നുറുങ്ങുകള്‍

ചിന്തകളുടെ ചില സ്കെച്ചുകൾ
പലപ്പോഴായി കുറിച്ചിട്ടത്
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,:

ഉറക്കം?
............
എനിക്കിപ്പോൾ
പുതപ്പിനുള്ളിലേക്കു
മടങ്ങാനുള്ള സമയമായോ...
ഭുമിയിലെ പറുദീസ ഒരു വലിയ പുതപ്പിനാൽ മൂടപ്പെട്ടതാണ്
പുതിയ ചിന്തകളിൽ
ആഗ്രഹിച്ചതെല്ലാം
അരികിലെത്താൻ
അനുഗ്രഹിക്കുന്ന
തലയിണകൾ
കൂട്ടുകിട്ടിയിരുന്നെങ്കിൽ


ഇഷ്ട സൗഹൃദങ്ങൾ
............................
സ്നേഹവും
സാഹിത്യവും
സമാധാനവും
കായ്ക്കുന്ന,
രണ്ടു മരങ്ങൾ :
നട്ടുപിടിപ്പിച്ചു
കാതലിന്നു
ക്ഷതമേൽക്കാതെ
പരസപരം
തണലാകട്ടെ,
ഇരു മരങ്ങളും.
മരങ്ങളിൽ
മധു നുകരാനും
ഫലം ഭുജിക്കാനും
ഒരുപാടു് കിളികൾ
പറന്നെത്തട്ടെ...
സേനഹം
കായ്ക്കുന്ന
വിവിധ തരം
മരങ്ങൾ കൊണ്ടു്
ഭൂമി നിറഞ്ഞു കവിയട്ടെ ...

ഒരു തൈ തരുന്നത്
......................
സ്നേഹം
വിതക്കുന്ന
പൂക്കളം കായ്കളും...
 നിറഞ്ഞ മരത്തിൽ
 പലകിളികളും
 വന്നു
 ചേക്കേറി കൊണ്ടിരിക്കും
കലപില കൂട്ടും...
കിളിക്കുഞ്ഞുങ്ങളും
പുതിയ തൈകളും
പിറക്കും


കേട്ടറിവ്
.......................
ഒരു  പക്ഷി
ഞാനറിയാതെ
ജനൽ പാളിതുറന്ന്
എവിടെ നിന്നോ
കയറി വന്നു..
ഇരുണ്ട വർണങ്ങളിൽ പൊതിഞ്ഞ
നീളൻ ചിറകുകളുള്ള
പതുങ്ങിയ സ്വരമുള്ള പക്ഷി.
ശ്രവണസുഖം ആവോളം
തന്നുകൊണ്ടു്
കൊച്ചു കൊച്ചു
കഥകൾ പറഞ്ഞു കൊണ്ടേയിരുന്നു
ലിപിയറിയാതെ ഉഴറിയ
എന്റെ കിനാക്കൾക്കു
കാതുകൾ തന്നു,
കൊക്കുരുമ്മി,
കുശലം പറഞ്ഞു....
പക്ഷി പറന്നകന്നു
ജനൽ പാളികളിൽ
കണ്ണും ...കാതും
പായിച്ച് ഞാൻ കാത്തിരുന്നു


.ഹാർട്ട് ഡ്രൈവ് ഡിസ്ക്
................:........
ഇപ്പോൾ
അയച്ചു തന്ന
 ചിത്രം
ഞാൻ സ്കാൻ ചെയ്തു
 ഹൃദയ ഭിത്തിയിൽ
 തറച്ചിടും
 ആവശ്യങ്ങൾക്കിനി
ഒരു ബട്ടൻ
ക്ലിക്ക്
ചെയ്താൽ മതിയല്ലോ
നന്ദിയുണ്ടു്
ഹൃദയത്തിൽ
സൂക്ഷിക്കാൻ
ചിത്രങ്ങൾ
അയച്ചു തന്നതിന്ന്


വിചിത്രജീവി
..........:.....
സങ്കടങ്ങൾക്ക്
പലതരം ചേരുവയുണ്ടു്
പണമോ
സുഖമോ
ലഹരിയോ
അത് നിർണയിക്കില്ല...
മനസ്സ് ഒരു വലിയ
വിചിത്ര ജീവിയാണത്രെ!!

കാലം പഴകുന്നു
.............................
അയാൾ വളരെ
ചെറുപ്പമാണിപ്പോഴും
അമ്പതാണ്ടു് കടന്ന
കാലപ്പഴക്കം എന്നത്
അയാളുടെ കുറ്റമല്ല
അയാൾക്കു പിറകെ
ജനിച്ചവരുടെതുമല്ല
ഇരുപത്തിയെട്ടു വയസ്സുകാരനിൽ
എത്തിയപ്പോഴാണ്
അവളെ കൂട്ടുകൂടിയത്
അവിടെ നിന്നും
ഒരു മാറ്റവും
അയാള്‍ക്കുണ്ടായിട്ടില്ല
പക്ഷെ ചിന്തകൾക്കും
സ്വപ്നങ്ങൾക്കും
ഒരായിരം
ആണ്ടുകളുടെ
പഴക്കമുണ്ടായിരിക്കുന്നു......


നടനം
................
എല്ലാ നടനങ്ങളും
അങ്ങിനെയൊക്കെ
തന്നെയാകുന്നു
എങ്ങിയൊക്കെയോ
ഭാഗ്യങ്ങളും
നിർഭാഗ്യങ്ങളും
ചേർന്ന തിരക്കഥയിൽ
കാലം ചിട്ടപ്പെടുത്തിയ
 നടനം..

നല്ല നമസ്ക്കാരം
..............................
ഇന്ന് പതിവിലധികം
ആഹ്ളാദത്തിലാണ്
എന്റെ മനസ്.
പതിവിലുപരി,
ഒരു കാരണവും
ഇല്ലാതെ അജ്ഞാതമായൊരു
ആനന്ദം..
ഇതൊരു,
നിമിത്തമാകാനാണ് സാധ്യത...
പക്ഷെ എങ്ങിനെയെന്ന്
പരിശോധച്ചറിയാൻ
യന്ത്രങ്ങൾ കണ്ടു പിടിക്കപ്പെട്ടില്ല
എന്നതിനാൽ
വരുമ്പോൾ മാത്രം
സ്വാഗതമോതാൻ
കഴിയുന്ന സന്ദർശകന്
നല്ല നമസ്ക്കാരം

ഒറ്റയാൻ
....................
ഒരൊറ്റപ്പൂരാടൻ
ജീവിതം....
ചില നേരങ്ങളിൽ
വാടക വീട്ടിലെ
ഏകാന്തത
വലിയ ചിന്തകളും
പുതിയ അത്ഭൂതിയും തരും ... 
ചിലപ്പോൾ സങ്കടവും
പക്ഷെ,
കണ്ടുമുട്ടുന്ന പൊയ്മുഖങ്ങളിൽ
നിന്നും വായിച്ചെടുക്കുന്ന
അറപ്പിനെക്കാൾ
ഒറ്റയാനെന്ന
എന്റെ അഹങ്കാരം
എന്നോടു് ഇളിച്ചു കാട്ടുന്നു


സുഖം പ്രാപിക്കൽ
................................
എന്നും
നിലനിക്കുന്ന സുഖവും
എപ്പോഴും
പിന്തുടരുന്ന ദു:ഖവും
ആർക്കും ഉണ്ടാവില്ല
പത്ത് മണിക്കൂർ നേരം
ദുഖം സഹിച്ച് ധരിച്ച
എന്റെ കാലുറകൾ
അടുത്ത പതിനാല് മണിക്കൂർ നേരത്തേക്ക് ഉപേക്ഷിച്ച് ഞാനിത്തിരി
സുഖം പ്രാപിക്കട്ടെ...

കമർ