വെറുതെ ഒരു വിചാരം

വീടണഞ്ഞു
ഉടുതുണി അഴിച്ചു -
നിശാ വസ്ത്രത്തിലേക്ക്
വഴുതി വീഴുന്നതിന്ന്
മുമ്പുള്ള
തേച്ച് കുളിയിലേക്കു കടക്കുന്നു.
നിലക്കണ്ണാടിൽ പതിവുപോലെ
നെഞ്ചത്തെ കറുപ്പിൽ നിന്നും
വെളുപ്പിലേക്ക് കുടിയേറുന്ന തൂവലുകളിൽ തലോടി എന്നെ
പൂർണ്ണനായി നോക്കിക്കണ്ടു
ഇന്നും തോന്നിയതു
ഇന്നലെ തോന്നിയതു തന്നെയായിരുന്നു
ഇല്ല, കാര്യമായ പരിക്കൊന്നും എനിക്കേറ്റിട്ടില്ല
കാലം എന്നെ കാര്യമായി
പിടികൂടിയിട്ടില്ല.:....
ഇനിയെന്റെ
നീരാടൽ
മൂളിപ്പാട്ടു്
പിന്നെ സുഖന്ദലേപന പ്രക്ഷാളനം
നിശാവസ്ത്രത്തിലേക്ക്
അത്താഴമുണ്ണൽ
ചാനൽ ചർച്ചകൾ
പുതപ്പിലേക്ക്
നിദ്രയിലേക്ക്
സ്വപ്നങ്ങളിലേക്ക്
ഒരു നീണ്ട നാളിന്റെ
ഓർമ്മകൾ അന്വേഷിക്കുന്ന എനിക്ക്
ഇമകൾ ചിമ്മിയടക്കും മുമ്പ്
വീണ്ടും
ഒരു ഇന്ന് വന്ന് വിളിക്കുന്നു
സുപ്രഭാതം...
പിന്നെ ഒരു നാൾ
ശുഭം.....

കമർ