ഒന്ന്:
നിങ്ങൾ
എരനെല്ലൂരു - കാരും
ചിറനെല്ലൂരു - കാരും
പരസ്പരം
കലഹിച്ചു
കാര്യ കാരണങ്ങൾ
ഇരു ഊരുകാർക്കും
അന്യം....
രണ്ടു്:
ഞങ്ങൾ
കേൾവി കേട്ട ചേരിക്കാർ
കേച്ചേരിക്കാർ
കിഴക്കോട്ട് ചേരി തിരിഞ്ഞ്
എല്ലാ കലഹങ്ങളും
കാമറകണ്ണുകളാൽ
ഒപ്പിയെടുത്ത്
വാട്ട്സപ്പിൽ
ലോകത്തെ അറിയിച്ച്
ഒന്നാമനായി
കേമനായി..
മൂന്ന്:
ഊരുകാർ
എരനെല്ലൂരുകാർ
ചിരനെല്ലൂരിലെ
ഊരുകളും
ചിറനെല്ലൂരുകാർ
എരനെല്ലൂരിലെ
ഊരുകളും
തീയിട്ടു !!!
നാല്:
ചേരിക്കാർ
എരനെല്ലൂരുകാരും
ചിറനെല്ലൂരുകാരും
ചേർന്ന്
കേച്ചേരി,
കിഴക്കേ ചേരിയിലെ
ഊരുകൾ
ഒന്നായി തീയിട്ടു
അഞ്ച്:
തീ...
നാളങ്ങൾക്ക്
പക്ഷവും...
ചേരിയും...
ഊരും....
പേരും...
നാളും...
ഉണ്ടായിരുന്നില്ല !!!
ആറ് :
സാറ്റലൈറ്റ് തകരാർ
പരിഹരിപ്പെടാതിരുന്നതിനാൽ
നാലാമതുരംഗം പ്രക്ഷേപണം
മുടങ്ങിയതിൽ ഖേദം പ്രകാശിപ്പിക്കുന്നു വെന്ന്
ഊരും ചേരിയും തിരിഞ്ഞ്
ചർച്ചയ്ക്ക് ചട്ടം കെട്ടിയിരുന്ന
ചാനൽകാർ ഒന്നായി
വെണ്ടക്ക നിരത്തി....
0 comments:
Post a Comment